سفر عراق
حضرت غوث العالم بحری راستے سے بصرہ پہونچے اور یہاں آپ نے حضرت خواجہ حسن بصری رحمتہ اللہ علیہ اور بعض صحابہ واکابرین کے مزارات مقدسہ پر حاضری دی، اور یہاں سے کربلائے معلّٰی اپنے جد کریم سیدنا امام حسین علیہ السلام کے روضۂ مبارک پر تشریف لے گئے، پھر نجف شرط اور کاظمین شریف حاضری دیتے ہوئے بغداد شریف کے لیے روانہ ہوگئے، بغداد شریف پہونچ کر آپ نے حضور غوث الاعظم محی الدین عبدالقادر جیلانی محبوب سبحانی رحمتہ اللہ علیہ اور حضرت شیخ معروف کرخی رحمتہ اللہ علیہ اور دوسرے بزرگوں کے مزارات مقدسہ پر حاضری دی اور فیض حاصل فرمایا۔
یہاں آپ نے جامع مسجد بغداد میں قیام فرمایا، ایک دن مسجد میں محفل وعظ منعقد ہوئی، تقریباً پانچ ہزار کا بڑا مجمع تھا، خلیفۂ وقت خود بھی محفل میں موجود تھا، محفل تلاوت کلام پاک سے شروع ہوئی، قاری نے سورۂ یوسف کی تلاوت کی، حضرت سے تقریر کے لیے اصرار کیاگیا، حضرت غوث العالم نے اسی سورہ کی آیت کریمہ ”لَوْلَا أَنْ رَأَىٰ بُرْهَانَ رَبِّهِہٖ“ پر تقریر فرمائی، لوگ بے پناہ متأثر ہوئے، ایک بزرگ قطب دمشقی بھی محفل میں موجود تھے، انھوں نے کہا کہ ”اس وقت میری عمر سوسال ہے، اور میں بڑے بڑے واعظان خوش بیان کی محفلوں میں شریک ہوا ہوں؛لیکن ایسی مؤثر تقریر سننے کو نہیں ملی۔
خلیفہ بھی بہت متأثر تھا، ایک ہزار اشرفی اور ایک گھوڑا آپ کی نذر بھیجا، آپ نے اسے قبول نہیں کیا، دوسرے دن خلیفہ خود آیا اور بہت اصرار کیا تو حضرت نے قبول فرمایا۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972